24 Sekepana sona se ne se se se le hara lewatle, se tsokotswa ke maqhubu a metsi; hobane moya o ne o se hanela.
25 Eitse ka tebelo ya bone ya bosiu, Jesu a tla ho bona, a tsamaya hodima lewatle.
26 Barutuwa ha ba mmona a tsamaya hodima lewatle, ba tshoha, ba re: Ke sethotsela; mme ba meketsa ke ho tshaba.
27 Empa Jesu a phakisa a bua le bona, a re: Betang dipelo, ke nna, se tshabeng.
28 Petrose a mo araba, a re: Morena, haeba ke wena, laela hore ke tle ho wena hodima metsi.
29 A re: Tloo! Yaba Petrose o tswa sekepaneng, a tsamaya hodima metsi, a ya ho Jesu.
30 Empa ha a bona moya o le bohale, a tshoha, mme ha a qala ho teba, a howa, a re: Morena, mpholose!