Mattheu

⁸Morwetsana ha a laetswe ke mmae a re: Nnee hona jwale hlooho ya Johanne Mokolobetsi ka mokeke. ⁹Morena a swaba; empa ka baka la kano ea hae, le ka baka la ba dutseng dijong le yena, a laela hore a e newe. ¹⁰A romela ho kgaola Johanne hlooho teronkong. ¹¹Hlooho ya hae ya tliswa ka mokeke, ya newa morwetsana, mme a e isa ho mmae. ¹²Jwale barutuwa ba Johanne ba tla, ba nka setopo, ba se epela, ba ntoo ya bolella Jesu. ¹³Jesu yare hoba a utlwe taba eo, a tloha moo ka sekepana, a ikela thoko, feelleng. Eitse hobane matshwele a utlwe, a mo latela teng ka maoto, a etswa metseng. ¹⁴Jesu ha a etswa, a bona bongata bo boholo, a bo utlwela bohloko, a fodisa ba kulang ba bona.