Mattheu

⁸Setjhaba sena se ntlhonepha ka molomo feela; empa pelo tsa bona li hole le nna. ⁹Ba nkgumamella lefeela, ha ba ruta dithuto tseo e leng melao ya batho. ¹⁰Yaba Jesu o bitsa bongata, a re ho bona: Mamelang, le utlwisise. ¹¹Se kenang ka hanong hase sona se silafatsang motho, empa se tswang hanong ke sona se silafatsang motho. ¹²Jwale, barutuwa ba mo atamela, ba re ho yena: Na o a tseba hobane bafarisi ba ile ba hlonama ha ba utlwa polelo ya hao na? ¹³A araba, a re: Setlama se seng le se seng se sa hlongwang ke Ntate ya mahodimong, se tla fotholwa. ¹⁴Ba tloheleng; ke difofu tse tsamaisang difofu; sefofu ha se tsamaisa sefofu se seng, di tla wela sekoting tse pedi.