Mattheu

¹⁴Ba re: Ba bang ba re, o Johanne Mokolobetsi; ba bang ba re, o Elia; ba bang ba re, o Jeremia, kapa e mong wa baporofeta. ¹⁵A re ho bona: Lona, le re, ke mang na? ¹⁶Yaba Simone Petrose o araba, a re: O Kreste, Mora Modimo o phelang. ¹⁷Jesu a araba, a re ho yena: O lehlohonolo, Simone, mora Jona; hobane hase nama le madi a o kwaholletseng hoo, empa e le Ntate ya mahodimong. ¹⁸Hape, ke re ho wena, o Petrose, mme kahodima lejwe leo, ke tla haha kereke ya ka, mme dikgoro tsa nqalo ya bafu ha di ka ke tsa e hlola. ¹⁹Ke tla o nea dinotlolo tsa mmuso wa mahodimo: hohle hoo o tla ho tlama lefatsheng ho tla tlangwa mahodimong, le hohle hoo o tla ho lokolla lefatsheng ho tla lokollwa mahodimong. ²⁰Jwale, a laya barutuwa ba hae, a re, ba se ke ba bolella motho hore ke yena Kreste.