Mattheu

⁸Ha ba emisa mahlo, ha ba ka ba hlola ba bona motho, haese Jesu a nnotshi. ⁹Yare ha ba theoha thabeng, Jesu a ba laela, a re: Pono eo le se ke la e bolella motho, Mora motho a eso ho tsohe bafung. ¹⁰Barutuwa ba hae ba mmotsa, ba re: Na ke ho reng, ha bangodi ba re: E ka kgona Elia a tle pele? ¹¹Jesu a araba, a re ho bona: Kannete Elia o tshwanetse ho tla, a busetse tsohle tokeng. ¹²Empa ke re ho lona: Elia o se a tlile, mme ha ba ka ba mo tseba; ba mpa ba mo entse hohle hoo ba ho ratileng; Mora motho le yena o tla utlwiswa bohloko jwalo ke bona. ¹³Jwale, barutuwa ba utlwisisa hobane o ba lekanyetsa Johanne Mokolobetsi. ¹⁴Eitse ha ba etla ho bongata, motho a mo atamela, a mo kgumamela ka mangwele,