Mattheu

²⁹Eitse ha ba etswa Jeriko, bongata bo boholo ba latela Jesu. ³⁰Batho ba babedi ba foufetseng, ba dutseng pela tsela, ha ba utlwa hoba Jesu o a feta, ba howa, ba re: Morena, mora Davida, re utlwele bohloko! ³¹Mme bongata jwa ba kgalemela, jwa re, ba kgutse; empa bona ba eketsa ho howa, ba re: O re utlwele bohloko, Morena, mora Davida! ³²Yaba Jesu o ema, a ba bitsa, a re: Le rata ha ke le etsetsa eng? ³³Ba re ho yena: Morena, mahlo a rona a ke a tutubollwe. ³⁴Jesu a ba utlwela bohloko, a ama mahlo a bona, mme hang mahlo a bona a boela a bona; mme ba mo latela.