Mattheu

⁴Le ho bona a re: Eyang le lona tshimong ya ka ya merara, mme ke tla le nea se le loketseng; mme ba ya. ⁵A boela a tswa e batlile ho ba hora ya botshelela, hape le ka ya boroba mono o le mong, mme a boela a etsa jwaloka pele. ⁶Ha a etswa e batlile ho ba hora ya leshome le motso o mong, a bona ba bang ba eme ba sa etse letho; a re ho bona: Le emetseng jwalo tsatsi lohle, le sa etse letho? ⁷Ba re ho yena: Ke kahobane re sa ka ra memuwa ke motho. A re ho bona: Le lona, eyang tshimong ya ka ya merara, mme ke tla le nea se le loketseng. ⁸Hoba e be mantisboya, monga tshimo ya merara a re ho mohlahlobi wa ntlo ya hae: Bitsa balemi, o ba nee moputso wa bona; o qale ka ba morao, o qetelle ka ba pele. ⁹Ba memilweng e batlile ho ba hora ya leshome le motso o mong, ha ba etla, e mong le e mong a fumana denare. ¹⁰Ba pele, ha ba etla, ba hloma ba tla newa ho fetisang; empa le bona ba newa e mong le e mong denare.