Mattheu

²a re ho bona: Eyang motsaneng oo le o lebileng; etlare le sa fihla, le tla be le fumane esele e holehilweng, e nang le petsana ya yona; le di lokolle, mme le ntlisetse tsona. ³Etlare ha motho a le botsa taba, le tle le re ho yena: Morena o a di hloka; mme o tla phakisa a di romele. ⁴Hoo hohle ho entswe hore ho tle ho etsahale ho boletsweng ke moporofeta ya itseng: ⁵Bolellang moradi wa Sione, le re: Bona, Morena wa hao ke eo ya tlang ho wena, a le bonolo, a kaletse esele, petsana ya esele e lemaletseng joko. ⁶Ebile barutuwa ba ya, ba etsa kamoo ba laetsweng kateng, ke Jesu. ⁷Ba tlisa esele le petsana ya yona, mme ba ala diaparo tsa bona hodima yona, mme Jesu a e kalla. ⁸Bongata bo boholo ba ala diaparo tsa bona tseleng; mme ba bang ba rema makala a difate, ba a ala tseleng.