Mattheu

⁴⁰Ana mohla monga tshimo ya merara a fihlang, balemi bao o tla ba etsa jwang na? ⁴¹Ba re ho yena: O tla timetsa ba babe bao hampe, mme tshimo ya hae ya merara o tla e laeletsa balemi basele, ba tla mo nea ditholwana nakong ya tsona. ⁴²Jesu a re ho bona: Ana ha le a ka la bala Mangolong taba e reng: Lejwe leo bahahi ba le lahlileng, ke lona le entsweng la motheo, la sekgutlo? Le entswe le jwalo ke Morena, mme ke le makatsang mahlong a rona. ⁴³Ka baka leo, ke re ho lona: Mmuso wa Modimo le tla o amohuwa, mme o tla newa setjhaba se seng se tla beha ditholwana tsa wona. ⁴⁴Ya tla wela hodima lejwe leo, o tla robeha, mme le tla pitla eo le mo welang hodimo. ⁴⁵Baprista ba baholo le bafarisi, ha ba utlwile ditshwantsho tseo tsa hae, ba tseba hobane o lekantse bona. ⁴⁶Mme ba batla ho mo tshwara; empa ba tshaba bongata, kahobane ba ne ba re, Jesu ke moporofeta.