Mattheu

⁹Mme bongata bo eteletseng pele le bo latelang ba howa, ba re: Hosanna ho mora Davida! Ho bokwe ya tlang ka lebitso la Morena! Hosanna mahodimong a hodimodimo! ¹⁰Eitse ha a kena Jerusalema, motse wohle wa hwerehana, wa re: Enwa ke mang na? ¹¹Matshwele a re: Ke Jesu, moporofeta ya tswang Nasaretha wa Galelea. ¹²Jesu a kena tempeleng ya Modimo; a lelekela ntle bohle ba bapatsang le ba rekang ka tempeleng; a diha ditafole tsa ba ananyang ditjhelete, le ditulo tsa ba bapatsang ka maeba. ¹³A re ho bona: Ho ngodilwe, ho thwe: Ntlo ya ka e tla bitswa ntlo ya thapelo, athe lona, le e entse lehaha la mashodu. ¹⁴Ha tla ho yena ka tempeleng difofu le dihlotsa, mme a di fodisa. ¹⁵Empa baprista ba baholo le bangodi, ha ba bona tse makatsang tseo a di etsang, le bana ba howang ka tempeleng, ba reng: Hosanna ho mora Davida! ba hlonama haholo.