Mattheu

¹Jesu a boela a bua le bona ka ditshwantsho, a re: ²Mmuso wa mahodimo o tshwana le morena ya neng a etsetse mora wa hae mokete wa bohadi. ³A roma bahlanka ba hae ho bitsa ba neng ba memetswe bohadi; empa ba hana ho tla. ⁴A boela a roma bahlanka ba bang, a re: Bolellang ba memilweng, le re: Bonang, ke lokisitse mokete wa ka, dikgomo tsa ka le dinonneng tsa ka di hlabilwe; ntho tsohle di se di lokile; tloong bohading. ⁵Empa bao ba nyedisa, mme ba ya, e mong tshimong ya hae, e mong papatsong ya hae.