Mattheu

¹⁵Yaba bafarisi ba tloha, ba ya rera hammoho kamoo ba ka mo tshwasang ka dipolelo tsa hae kateng. ¹⁶Ba roma ho yena barutuwa ba bona le Baheroda, ba ya re: Moruti, re a tseba hobane o wa nnete, le hoba o ruta tsela ya Modimo ka nnete, le hoba ha o re letho ka motho; hobane tshobotsi ya motho ha e tadingwe ke wena. ¹⁷Ka baka leo, o re bolelle kgopolo ya hao: Hleka ho a lokela ho ntshetsa Sesare lekgetho, kapa tjhe? ¹⁸Empa Jesu a tseba lonya la bona, a re: Le ntekelang, lona baikaketsi? ¹⁹Mpontsheng tjhelete ya lekgetho. Yaba ba mo hlahisetsa denare. ²⁰A re ho bona: Setshwantsho sena ke sa mang, le lengolo lena ke la mang? ²¹Ba re ho yena: Ke la Sesare. Yaba o re: Hommeng! Ntshetsang Sesare tseo e leng tsa Sesare, le ntshetse Modimo tseo e leng tsa Modimo.