Mattheu

²⁴ba re: Moruti, Moshe o itse: Monna ha a eshwa, a se na bana, ngwanabo o tla nka mosadi wa hae, a hlahisetse ngwanabo bana. ²⁵Bara ba motho a le mong, ba supileng, ba ne ba le teng hara rona; e moholo a shwa, a se a nyetse; mme kahobane a sa ka a ba le bana, a siela moenae mosadi wa hae. ²⁶Ha eba jwalo le wa bobedi, le wa boraro, ho isa ho wa bosupa. ²⁷Kamora bona bohle, mosadi le yena a shwa. ²⁸Ana ha ho le jwalo, mohla tsoho ya bafu, mosadi eo e tla ba wa ofe ho ba supileng, haele moo ba kile ba eba le yena bohle? ²⁹Empa Jesu a araba, a re ho bona: Le lahlehile ke hobane ha le tsebe Mangolo le matla a Modimo; ³⁰hobane tsohong ya bafu, ha ho ka ke ha nyalwa, leha e le ho nyadiswa, empa batho ba tla ba jwaloka mangeloi a Modimo lehodimong.