Mattheu

²⁸Ana ha ho le jwalo, mohla tsoho ya bafu, mosadi eo e tla ba wa ofe ho ba supileng, haele moo ba kile ba eba le yena bohle? ²⁹Empa Jesu a araba, a re ho bona: Le lahlehile ke hobane ha le tsebe Mangolo le matla a Modimo; ³⁰hobane tsohong ya bafu, ha ho ka ke ha nyalwa, leha e le ho nyadiswa, empa batho ba tla ba jwaloka mangeloi a Modimo lehodimong. ³¹Haele ka tsoho ya bafu, na ha le a ka la bala hoo le ho boleletsweng ke Modimo, ha o re: ³²Nna, ke Modimo wa Abrahama, le Modimo wa Isaaka, le Modimo wa Jakobo; Modimo hase Modimo wa bafu, empa ke wa ba phelang. ³³Mme bongata ha bo utlwa hoo, ba tsota thuto ya hae. ³⁴Bafarisi, ha ba utlwa hobane o kgutsisitse basadusi, ba phutheha hammoho.