Mattheu

³²Nna, ke Modimo wa Abrahama, le Modimo wa Isaaka, le Modimo wa Jakobo; Modimo hase Modimo wa bafu, empa ke wa ba phelang. ³³Mme bongata ha bo utlwa hoo, ba tsota thuto ya hae. ³⁴Bafarisi, ha ba utlwa hobane o kgutsisitse basadusi, ba phutheha hammoho. ³⁵Yaba e mong wa bona, e leng moruti wa molao, o botsa Jesu, ka ho mo leka, a re: ³⁶Moruti, taelo e kgolo ya molao ke efe na? ³⁷Jesu a re ho yena: Ke e reng: Rata Morena, Modimo wa hao, ka pelo ya hao yohle, le ka moya wa hao wohle, le ka kgopolo ya hao yohle. ³⁸Molao oo ke o moholo wa pele.