Mattheu

¹Yaba Jesu o bolella bongata le barutuwa ba hae, ²a re: Bangodi le bafarisi ba dutse ditulo tsa Moshe. ³Ka baka leo, le boloke, mme le etse tsohle tseo ba le bolellang tsona, le mpe le se ke la etsa ka diketso tsa bona; hobane ba bolela, empa ha ba etse. ⁴Ba bofa diphahlo tse boima, tse imelang, mme ba di jarisa batho mahetleng, athe bona ha ba rate ho di sisinya le ka monwana. ⁵Diketso tsa bona tsohle ba di etsa hore ba tle ba bonwe ke batho; hobane ba rwala meqhaka ya difilaktera tse diphara, mme ba lelefatsa dipodi dikobong tsa bona; ⁶ba rata ditulo tsa kapele meketeng, le ditulo tse kapele masinagogeng, ⁷le ho dumediswa mapatlelong, le ho bitswa ke batho: Rabbi! Rabbi!