Mattheu

²¹le ya anang ka tempele, o ana ka yona le ka ya ahileng ho yona; ²²le ya anang ka lehodimo, o ana ka terone ya Modimo le ka ya dutseng hodima yona. ²³Ho madimabe lona, bangodi le bafarisi, baikaketsi! hobane le ntsha karolo ya leshome ya kwena le anetha le kumine, mme le siya hoo e leng boholo ba molao, e leng tokiso, le mohau, le tumelo; anthe le ne le tshwanetse ho etsa ntho tsena, le ntse le sa tlohele ho etsa tseno. ²⁴Batsamaisi ba foufetseng! le hlotlha ntsitsinyana, athe le metsa kamele! ²⁵Ho madimabe lona, bangodi le bafarisi, baikaketsi! hobane le hlatswa mohope le sejana kantle, athe kahare ho tletse boshodu le ho senya. ²⁶Mofarisi ya sefofu! hlatswa mohope le sejana kahare ho tsona pele, bokantle ba tsona bo tle bo hlweke le bona. ²⁷Ho madimabe lona, bangodi le bafarisi, baikaketsi! hobane le jwaloka mabitla a kwetlisitsweng, a nang le ponahalo e ntle kantle, kanthebo, kahare, a tletse masapo a bafu le ho bola hohle.