Mattheu

¹⁷ya leng hodima ntlo, a se ke a theohela ho nka ntho tlung ya hae; ¹⁸le ya leng masimong, a se ke a kgutlela hae ho nka kobo ya hae. ¹⁹Ho tla ba madimabe basadi ba baimana, le ba anyesang mehleng eo. ²⁰Le rapele hore paleho ya lona e se hlahe mariha, leha e le ka Sabatha. ²¹Hobane mohlang oo, mahlomola a tla ba maholo, haesale le tshimolohong ya lefatshe, ho fihlela jwale, tsietsi e kalo ha e eso ho ka e eba teng, mme ha e ka ke ya boela ya eba teng le ka mohla o le mong. ²²Le hojane matsatsi ao a se ke a kgutshofatswa palo, ho ne ho ke ke ha phonyoha motho; empa ka baka la bakgethwa, matsatsi ao a tla kgutshofatswa. ²³Mohlang oo, ha motho a ka re ho lona: Bonang, Kreste o mona, kapa Kreste o mane, le se ke la dumela.