Mattheu

³⁴Kannete ke re ho lona: Moloko wona o ke ke wa feta, tseo tsohle di eso ho etsahale. ³⁵Lehodimo le lefatshe di tla feta, empa dipolelo tsa ka di ke ke tsa feta. ³⁶Haele letsatsi leo le hora eo, ha ho ya tsebang; esita le mangeloi a lehodimo ha a tsebe, leha e le Mora; empa ho tseba Ntate a nnotshi. ³⁷Empa jwalokaha ho bile mehleng ya Nowe, le ho tleng ha Mora motho ho tla ba jwalo. ³⁸Hobane jwaloka mehleng e bileng teng pele ho morwallo wa metsi, ha batho ba ne ba eja, ba enwa, ba nyala, ba nyadisa, ha ba ha fihla tsatsi leo Nowe a keneng arekeng ka lona; ³⁹ha ba ka ba lemoha, ha ba ha fihla morwallo, mme ba nkwa bohle ke wona: ho tla ba jwalo le ho tleng ha Mora motho. ⁴⁰Mohlang oo, ho banna ba babedi ba tla beng ba le tshimong, e mong o tla nkwa, e mong a siuwe;