Mattheu

⁴¹ho basadi ba babedi ba tla beng ba sila lelwaleng, e mong o tla nkwa, e mong a siuwe. ⁴²Lebelang hle; hobane ha le tsebe nako eo Morena wa lona a tla tla ka yona. ⁴³Le mpe le tsebe hobane monga ntlo, hola a ka tseba nako eo senokwane se tla tla ka yona, a ka lebela, mme a ke ke a dumela hoba ntlo ya hae e phunngwe. ⁴⁴Le lona, itokiseng ke hona; hobane Mora motho o tla tla ka nako eo le sa e hopolang. ⁴⁵Ana ke mang mohlanka ya kgabane, ya bohlale, eo morena wa hae a mmeileng moalosi wa bahlanka ba hae ho ba nea dijo nakong ya teng? ⁴⁶Ho lehlohonolo mohlanka eo morena wa hae, mohla a fihlang, a tla mo fumana a etsa jwalo. ⁴⁷Kannete ke re ho lona: O tla mmea moalosi wa mesebetsi ya hae kaofela.