Mattheu

⁴⁵Ana ke mang mohlanka ya kgabane, ya bohlale, eo morena wa hae a mmeileng moalosi wa bahlanka ba hae ho ba nea dijo nakong ya teng? ⁴⁶Ho lehlohonolo mohlanka eo morena wa hae, mohla a fihlang, a tla mo fumana a etsa jwalo. ⁴⁷Kannete ke re ho lona: O tla mmea moalosi wa mesebetsi ya hae kaofela. ⁴⁸Empa ekare ha mohlanka eo a le kgopo, mme a ipolella pelong, a re: Morena ka o diehile ho fihla; ⁴⁹mme a qala ho otla balekane ba hae ba bohlanka, a eja, a enwa le matahwa; ⁵⁰morena wa mohlanka eo o tla fihla ka letsatsi leo a sa mo lebellang, le ka nako eo a sa e tsebeng. ⁵¹O tla mo pomahanya dikoto, a mo nee kabelo e le nngwe le baikaketsi; ke moo dillo di tla ba teng le ditsikitlano tsa meno.