Mattheu

⁶Le tla utlwa dintwa le medumo ya dintwa; le mpe le bone hore le se ke la tshoha; tseo tsohle e ka kgona di etsahale, empa le moo ha e eso ho be bona bofelo. ⁷Hobane setjhaba se seng se tla tsohela setjhaba se seng matla, mmuso o mong o lwantshe mmuso o mong; ditlala di tla ba teng, le mafu a akaretsang, le ditshisinyeho tsa lefatshe ka nqa tse ngata. ⁸Empa tseo tsohle e tla ba qalo feela ya tlokotsi. ⁹Mohlang oo, le tla neelwa ho tshwenngwa, le tla bolawa, mme le tla hlouwa ke ditjhaba tsohle ka baka la lebitso la ka. ¹⁰Ke moo ba bangata ba tla kgoptjwa, mme ba tla ekana, ba tla hloyana. ¹¹Ho tla hlaha baporofeta ba bohata ba bangata, mme ba tla thetsa batho ba bangata. ¹²Mme lerato la ba bangata le tla tapa ka baka la ngatafalo ya bokgopo.