Mattheu

³Mohlang oo, baprista ba baholo, le bangodi, le baholo ba setjhaba, ba phuthehela lebaleng la moprista e moholo, ya bitswang Kaiafa. ⁴Ba etsa morero wa ho tshwara Jesu ka bohlale, ba tle ba mmolaye. ⁵Empa ba re: A e se be mohla mokete, esere mohlomong moferefere wa eba teng hara setjhaba. ⁶Yare ha Jesu a le Bethania, tlung ya Simone, molepera, ⁷ha tla ho yena mosadi ya nang le pitsa ya alebastera, e tletseng setlolo se theko e thata, mme a se tshela hloohong ya Jesu ha a dutse dijong. ⁸Barutuwa ba hae, ha ba bona hoo, ba hlonama, ba re: Tshenyeho eo e thusang? ⁹Athe setlolo seo se ka be se rekile tjhelete tse ngata, tsa newa bafumanehi.