Mattheu

⁶⁶Ho jwang ho lona? Ba araba, ba re. O tshwanelwa ke lefu. ⁶⁷Ebile ba mo tshwela ka mathe mahlong, ba mo jabela, ba bang ba mo otla ka dithupa, ⁶⁸ba re: Kreste, o re porofetele: ya o otlileng ke mang? ⁶⁹Petrose yena o ne a dutse kantle lebaleng. Yaba ho fihla ho yena lekgabunyane le leng, la re: Le wena, o ne o ena le Jesu wa Galelea. ⁷⁰Empa yena a latola pontsheng ya bohle, a re: Ha ke tsebe seo o se bolelang. ⁷¹Eitse ha a tswela kgotlwaneng, lekgabunyane le leng la mmona, la re ho ba leng moo: Le enwa o ne a ena le Jesu wa Nasaretha. ⁷²A boela a latola ka ho hlapanya, a re: Motho eo ha ke mo tsebe.