Mattheu

¹³Yaba Pilato o re ho yena: Na ha o utlwe ha ba o qosa hakakale na? ¹⁴Empa ha a ka a araba lentswe leha le le leng; mmusisi a ba a makala haholo. ¹⁵E ne e le mokgwa wa mmusisi, ka mokete oo, ho lokollela setjhaba motlamuwa e mong, eo ba mo ratang. ¹⁶Mohlang oo, ho bo ho le motlamuwa e mong ya tumileng, ya bitswang Barabase. ¹⁷Ha ba phuthehile, Pilato a re ho bona: Le rata ha ke le lokollela ofe, haele Barabase, kapa Jesu ya bitswang Kreste? ¹⁸Hobane o ne a tseba hobane ba mo neetse yena ka mona. ¹⁹Yare ha a sa dutse setulong sa kahlolo, mosadi wa hae a romela ho yena, a re: O se ke wa ba le taba, leha e le e nngwe, le motho eo ya lokileng; hobane ke utlwile bohloko bo boholo ka baka la hae, ha ke lora kajeno.