Mattheu

²Eitse hobane ba mo tlame, ba ya le yena, ba mo neela Ponse Pilato, mmusisi. ³Jwale, Judase ya mo ekileng, ha a bona hoba Jesu o tswilwe, a inyatsa; a busetsa ditjhelete tsa silefera tse mashome a mararo ho baprista ba baholo le ho baholo; ⁴a re: Ke sitilwe ha ke ekile madi a se nang molato. Ba re: E ka ba eng ho rona? Ho iponele wena teng. ⁵Ebile ke ha a lahlela ditjhelete tsa silefera tempeleng, a tloha, a iphenetha. ⁶Baprista ba baholo ba nka ditjhelete, ba re: Ha ho a tshwanela hore di kenngwe polokelong ya tempele, hobane ke theko ya madi. ⁷Mme hobane ba rere, ba reka tshimo ya mmopi wa dipitsa ka tsona, ho epela baditjhaba teng. ⁸Ka baka leo, tshimo eo e bitsitswe Tshimo ya madi, ho fihlela kajeno.