Mattheu

²⁸Ba mo hlobodisa, ba ntoo mo apesa kobo e kgubedu. ²⁹Ba loha mofapahlooho wa meutlwa, ba mo rwesa wona hloohong; ba mo tshwarisa leqala letsohong la hae le letona, mme ba kgumama ka mangwele pela hae, ba mo soma, ba re: Dumela, morena wa Bajuda! ³⁰Ba mo tshwela ka mathe, ba nka leqala, ba mmata hloohong. ³¹Eitse hobane ba mo some jwalo, ba mo hlobodisa kobo eo, ba mo apesa diaparo tsa hae, mme ba ya le yena ho mo thakgisa. ³²Ha ba etswa, ba fumana monna wa Sirene, ya bitswang Simone, ba mo qobella hore a jare sefapano sa Jesu. ³³Eitse hobane ba fihle thoteng e bitswang Golgotha, e leng ho re, thota ya lehata, ³⁴ba mo nea asene e tswakilweng ka nyooko, hore a nwe; empa hobane a e latswe, a hana ho nwa.