Mattheu

³⁸Jwale, ba thakgisa le yena disenyi tse pedi, se seng ka letsohong le letona, se seng ka ho le letshehadi. ³⁹Ba fetang ba ne ba mo nyefola, ba mo sisinyetsa dihlooho, ba re: ⁴⁰Wena, ya qhaqhang tempele, o reng o tla e tsosa ka matsatsi a mararo, ipholose he! Ha o le Mora Modimo, theoha sefapanong! ⁴¹Ka mokgwa o jwalo, le bona baprista ba baholo ba mo soma, ba ena le bangodi le baholo, ba re: ⁴²O pholositse ba bang, yena o sitwa ho ipholosa! Haele yena morena wa Iseraele, a ke a theohe jwale sefapanong, mme re tla dumela ho yena. ⁴³O tshepile Modimo; a o mo lwele jwale, ha o mo rata; hobane o itse: Ke Mora Modimo. ⁴⁴Disenyi tse thakgisitsweng le yena, le tsona di ne di mo hlapaola jwalo.