Mattheu

⁴⁴Disenyi tse thakgisitsweng le yena, le tsona di ne di mo hlapaola jwalo. ⁴⁵Ka hora ya botshelela, lefifi la eba teng lefatsheng lohle, ho fihlela hora ya boroba mono o le mong. ⁴⁶Ha ho batlile ho ba hora ya boroba mono o le mong, Jesu a howa ka lentswe le leholo, a re: Eli, Eli, lamma sabakthani? ke ho re: Modimo wa ka, Modimo wa ka, o ntloheletseng? ⁴⁷Ba bang ho ba leng moo, ha ba utlwa, ba re: O bitsa Elia. ⁴⁸Yaba e mong wa bona o phakisa a matha, a nka seponse, a se tlatsa ka asene, a se hloma leqaleng, a mo nwesa. ⁴⁹Empa ba bang ba re: Lesang, re ke re bone na Elia o tla tla mo pholosa. ⁵⁰Empa Jesu a boela a meketsa ka lentswe le leholo, mme a neela moya.