Mattheu

⁵⁹Eitse hobane a nke setopo, a se phuthela ka lesela le lesweu; ⁶⁰a se bea lebitleng la hae le letjha, leo a le betlileng lefikeng; mme hobane a phikolosetse lejwe le leholo pela monyako wa lebitla, a ikela. ⁶¹Athe Maria Magdalena o ne a le moo le Maria e mong, ba dutse pela lebitla. ⁶²Ka hosasane, e leng tsatsi le hlahlamang la hlekelo, baprista ba baholo le bafarisi ba phuthehela ho Pilato, ⁶³ba re: Morena, re sa hopola hobane mothetsi eo, ha a sa phela, o ne a re: Ke tla tsoha ka letsatsi la boraro. ⁶⁴Ka baka leo, ako laele hore lebitla le tiiswe, letsatsi la boraro le be le tjhabe, esere mohlomong barutuwa ba hae ba mo utswa, mme ba re ho setjhaba: O tsohile bafung; leshano leo la ho fela le ne le tla fetisa la pele. ⁶⁵Pilato a re ho bona: Le na le balebedi; eyang, le tiise kamoo le tsebang kateng.