Mattheu

⁶Baprista ba baholo ba nka ditjhelete, ba re: Ha ho a tshwanela hore di kenngwe polokelong ya tempele, hobane ke theko ya madi. ⁷Mme hobane ba rere, ba reka tshimo ya mmopi wa dipitsa ka tsona, ho epela baditjhaba teng. ⁸Ka baka leo, tshimo eo e bitsitswe Tshimo ya madi, ho fihlela kajeno. ⁹Ke moo ho etsahetseng ho boletsweng ke moporofeta Jeremia, ha a re: Ba nkile ditjhelete tse mashome a mararo, theko ya ya lekanntsweng, eo bara ba Iseraele ba mo lekantseng jwalo, ¹⁰ba di ntshitse ho reka tshimo ya mmopi, jwalokaha Morena a ne a ntaetse. ¹¹Haele Jesu, a ema pela mmusisi, mme mmusisi a mmotsa, a re: Na o morena wa Bajuda na? Jesu a re ho yena: O boletse teng. ¹²Empa leha a ne a qoswa ke baprista ba baholo le ke baholo, ha a ka a araba letho.