Mattheu

¹¹Hobane ba tlohe, ba bang ho balebedi ba tla hae motseng, ho behela baprista ba baholo tsohle tse hlahileng. ¹²Baprista eitse hobane ba phuthehe le baholo, ba etsa morero, mme ba nea bahlabani ditjhelete tse ngata; ¹³ba re: Ereng: Barutuwa ba hae ba tlile bosiu, ba mo utswitse re robetse. ¹⁴Mme leha mmusisi a utlwa taba eo, ke rona re tla mo kgodisa, re le sireletse. ¹⁵Yaba balebedi ba nka ditjhelete, ba etsa kamoo ba laetsweng kateng; mme taba eo e tumile hara Bajuda ho fihlela kajeno. ¹⁶Barutuwa ba leshome le motso o mong ba ya Galelea, thabeng eo ba e laetsweng ke Jesu. ¹⁷Ha ba mmona, ba mo kgumamela; empa ba bang ba belaela.