Mattheu

¹¹o re fe kajeno bohobe ba rona ba tsatsi le leng le le leng; ¹²o re tshwarele melato ya rona, jwalokaha re tshwarela ba nang le melato ho rona; ¹³o se ke wa re isa molekong; o mpe o re lwele ho e mobe; [hobane mmuso ke wa hao, le matla, le kganya ka ho se feleng. Amen!] ¹⁴Hobane ekare ha le tshwarela batho ditlolo tsa bona, Ntata lona ya mahodimong o tla le tshwarela le lona; ¹⁵empa ekare ha le sa tshwarele batho ditlolo tsa bona, Ntata lona le yena a ke ke a le tshwarela ditlolo tsa lona. ¹⁶Ha le itima dijo, le se ke la sosobanya difahleho tsa lona, jwaloka baikaketsi; ba itshenya tshobotsi, ba tle ba bonahale ho batho hobane ba itima dijo. Kannete ke a le bolella, ke re: Ba se ba nkile moputso wa bona. ¹⁷Haele wena, enore ha o itima dijo, o itlotse hlooho, o iphotle sefahleho;