Mattheu

⁷Kopang, mme le tla newa; batlang, mme le tla fumana; kokotang, mme le tla bulelwa. ⁸Hobane e mong le e mong ya kopang, o a newa; ya batlang o a fumana, mme ho bulelwa ya kokotang. ⁹Ana motho ke ofe ho lona ya ka neang mora wa hae lejwe, ha a kopile bohobe? ¹⁰Kapa ha a kopile hlapi, na a ka mo nea noha na? ¹¹Mme lona, ba lonya, ha le tseba ho nea bana ba lona ntho tse molemo, Ntata lona ya mahodimong o tla fetisa hakakang ka ho nea ba kopang ho yena tse molemo! ¹²Mme jwale, ntho tsohle tseo le ratang hore batho ba le etse tsona, ba etseng tsona le lona; hobane ke wona molao le baporofeta. ¹³Kenang ka monyako o patisaneng; hobane monyako wa timelo o hebehebe, le tsela e yang teng e phatlaletse, mme ba kenang teng ba bangata.