Mattheu

¹ Jesu a kena sekepaneng, a boela a tshela, mme a tla motseng wa habo. ²Yaba o tlisetswa motho ya omeletseng ditho, a rapaletse diphateng; Jesu ha a bona tumelo ya bona, a re ho ya omeletseng ditho: Beta pelo, ngwana ka, dibe tsa hao o di tshwaretswe. ³Yaba ba bang ho bangodi ba re ka ho bona: Enwa o a nyefola. ⁴Jesu ha a bona mehopolo ya bona, a re: Le hopolelang bobe ka dipelong tsa lona? ⁵Hobane ke hofe ho leng bonolo, na ke ho re: O tshwaretswe dibe, kapa a ke ho re: Ema, o tsamaye, na? ⁶Mme jwale — hore le tsebe hobane Mora motho o na le matla lefatsheng a ho tshwarela batho dibe — a re ho ya omeletseng ditho: Ema, o nke diphate tsa hao, o ikele tlung ya hao. ⁷Yaba o a ema, a ikela tlung ya hae.