Mattheu

²⁵Yare ha a ntsheditse bongata boo ntle, a kena, a mo tshwara ka letsoho, mme morwetsana a tsoha. ²⁶Mme taba eo ya tuma lefatsheng leo lohle. ²⁷Jesu ha a tloha moo, difofu tse pedi tsa mo latela, tsa howa, tsa re: Mora Davida, o re utlwele bohloko. ²⁸Eitse ha a kena tlung, difofu tseo tsa tla ho yena, mme Jesu a re ho tsona: Na le a dumela hore nka tseba ho etsa hoo na? Tsa re ho yena: E, Morena. ²⁹Yaba o ama mahlo a tsona, a re: Le etsetswe kamoo le dumetseng kateng. ³⁰Mahlo a tsona a tutuboloha; mme Jesu a di laya haholo, a re: Iponeleng, hore taba eo e se ke ya tsejwa ke motho. ³¹Empa ha di tswile, tsa hasanya botumo ba hae naheng eo yohle.