Mattheu

³⁰Mahlo a tsona a tutuboloha; mme Jesu a di laya haholo, a re: Iponeleng, hore taba eo e se ke ya tsejwa ke motho. ³¹Empa ha di tswile, tsa hasanya botumo ba hae naheng eo yohle. ³²Tsa re di sa tswa tloha, Jesu a tlisetswa motho ya semumu, ya nang le motemona. ³³Mme ha ho lelekilwe motemona semumu sa bua; bongata ba makala, ba re: Taba e jwalo ha e eso ho ka e bonwa Iseraeleng! ³⁴Empa bafarisi ba re: O leleka batemona ka morena wa batemona. ³⁵Jesu a tsamaya, a tjhalakela metse yohle le metsana, a ruta masinagogeng a teng, a bolela Evangeli ya mmuso, a fodisa malwetse wohle le mefokolo yohle. ³⁶Ha a bona matshwele, a a utlwela bohloko, hobane ba ne ba kgathetse, ba saretswe jwaloka dinku tse se nang modisa.