6 Muling sinabi ng Panginoon kay Job mula sa ipu-ipo,
7 “Ihanda mo ang iyong sarili, at sagutin mo ang mga tanong ko.
8 “Gusto mo bang patunayan na mali ako para palabasin na ikaw ang tama?
9 Ikaw baʼy makapangyarihang tulad ko? Magagawa mo bang parang kulog ang tinig mo na katulad ng sa akin?
10 Kung magagawa mo iyan, patunayan mo na ikaw ngaʼy makapangyarihan, marangal at dakila.
11-12 Ipakita mo ang matindi mong galit sa taong mayayabang at ibagsak sila. Wasakin mo ang taong masasama sa kanilang kinatatayuan.
13 Ilibing mo silang lahat sa lupa, sa lugar ng mga patay.