19 ac ymddangosodd gogoniant yr ARGLWYDD i'r holl gynulliad.
20 Dywedodd yr ARGLWYDD wrth Moses ac Aaron,
21 “Ymwahanwch oddi wrth y cynulliad hwn, oherwydd yr wyf am eu difa ar unwaith.”
22 Ond syrthiasant hwy ar eu hwynebau, a dweud, “O Dduw, Duw ysbryd pob cnawd, a wyt am ddigio wrth yr holl gynulliad am fod un dyn wedi pechu?”
23 Dywedodd yr ARGLWYDD wrth Moses,
24 “Dywed wrth y cynulliad am fynd ymaith oddi wrth babell Cora, Dathan ac Abiram.”
25 Cododd Moses ac aeth at Dathan ac Abiram, a dilynodd henuriaid Israel ef.