6 Quoniam non est in morte qui memor sit tui ;in inferno autem quis confitebitur tibi ?
7 Laboravi in gemitu meo ;lavabo per singulas noctes lectum meum :lacrimis meis stratum meum rigabo.
8 Turbatus est a furore oculus meus ;inveteravi inter omnes inimicos meos.
9 Discedite a me omnes qui operamini iniquitatem,quoniam exaudivit Dominus vocem fletus mei.
10 Exaudivit Dominus deprecationem meam ;Dominus orationem meam suscepit.
11 Erubescant, et conturbentur vehementer, omnes inimici mei ;convertantur, et erubescant valde velociter.