4 Buccinate in neomenia tuba,in insigni die solemnitatis vestræ :
5 quia præceptum in Israël est,et judicium Deo Jacob.
6 Testimonium in Joseph posuit illud,cum exiret de terra Ægypti ;linguam quam non noverat, audivit.
7 Divertit ab oneribus dorsum ejus ;manus ejus in cophino servierunt.
8 In tribulatione invocasti me, et liberavi te.Exaudivi te in abscondito tempestatis ;probavi te apud aquam contradictionis.
9 Audi, populus meus, et contestabor te.Israël, si audieris me,
10 non erit in te deus recens,neque adorabis deum alienum.