19 Ангелот одговори и му рече: „Јас сум Гавриел, кој стои пред Бога и испратен сум да зборувам со тебе и да ти ја известам оваа радосна вест.
20 И ете, ќе онемиш и не ќе можеш да зборуваш до денот, кога ќе се збидне ова; зашто не им поверува на моите зборови, што ќе се исполнат во свое време.”
21 А луѓето го чекаа Захарија и се чудеа зошто толку долго се задржа во Храмот.
22 А кога излезе, не можеше да им зборува и тие разбраа дека видел видение во Храмот. И тој им даваше знаци и остана нем.
23 И кога се свршија деновите на неговата служба, се врати во својот дом.
24 А по тие дни, неговата жена Елисавета зачна и се криеше пет месеци и велеше:
25 ”Ова ми стори Господ во деновите кога погледна на мене, за да го отстрани мојот срам меѓу луѓето.”