6 И ако биде таму синот на мирот, вашиот мир ќе остане на неа; а ако ли не, ќе се врати при вас.
7 Останете во таа куќа, јадете и пијте што имаат, зашто трудбеникот ја заслужува својата плата. Не преоѓајте од куќа во куќа.
8 И ако влезете во некој град и ве примат, јадете што ќе изнесат пред вас!
9 Исцелувајте ги болните во него и говорете им: „Божјото Царство се приближи до вас!”
10 Ако пак влезете во некој град и не ве примат, излезете на неговите улици и речете:
11 ”И правот од вашиот град - што се залепил на нашите нозе - ви го истресуваме; но знајте го ова - Божјото Царство се приближи.”
12 Ви велам - полесно ќе му биде на Содом во оној ден, отколку на тој град.”