20 Ndihamba ngomendo wobulungisa,Phakathi kweendlela ezisesikweni;
21 Ukuze abandithandayo ndibadlise ilifa elililo,Ndizizalise izindlu zabo zobuncwane.
22 UYehova wandivelisa ndaba yintlahlela yendlela yakhe,Ndaba ngowamandulo emisebenzini yakhe yakudala.
23 Ndamiswa kwasephakadeni, kwasentloko,Kwasemandulweni ehlabathi.
24 Ndazalwa kungekabikho manzi anzongonzongo,Kungekabikho mithombo inzima ngamanzi.
25 Ndazalwa kungekafakwa ntaba,Naphambi kweenduli;
26 Engekawenzi umhlaba namaphandle,Nothuli lonke lwelimiweyo.