25 កុំចេញទៅស្រែចម្ការ កុំចេញទៅតាមផ្លូវដ្បិតខ្មាំងសត្រូវកាន់ដាវចាំនៅទីនោះ!ការព្រឺខ្លាចស្ថិតនៅគ្រប់ទីកន្លែង»។
26 ប្រជាជនរបស់យើងអើយចូរស្លៀកបាវ ហើយអង្គុយក្នុងផេះរួចនាំគ្នាកាន់ទុក្ខ ដូចគេកាន់ទុក្ខកូនតែមួយគត់ដែលស្លាប់នោះទៅ!ចូរនាំគ្នាយំសោកសង្រេងយ៉ាងខ្លាំងទៅដ្បិតមេបំផ្លាញមកវាយប្រហារអ្នករាល់គ្នាពុំឲ្យដឹងខ្លួនជាមុនឡើយ!
27 «យេរេមាអើយ យើងបានតែងតាំងអ្នកឲ្យល្បងលមើលប្រជាជនរបស់យើងដូចជាងសាកល្បងលោហធាតុគឺយើងឲ្យអ្នកសង្កេត និងល្បងលមើលមាគ៌ារបស់ពួកគេ»។
28 «ពួកគេចូលចិត្តនិយាយមួលបង្កាច់មានចិត្តរឹងរូស ដូចលង្ហិន និងដែកថែបដែលពុំអាចពត់បានឡើយគឺពួកគេប្រព្រឹត្តអំពើអាក្រក់គ្រប់ៗគ្នា!
29 ធម្មតា ភ្លើងដែលគេសប់យ៉ាងក្ដៅអាចបន្សុទ្ធលោហធាតុបានរីឯប្រជាជននេះវិញគ្មាននរណាអាចបន្សុទ្ធបានទេព្រោះអំពើអាក្រក់ស្ថិតជាប់នឹងពួកគេជានិច្ច។
30 គេហៅអ្នកទាំងនោះថា “ប្រាក់គ្មានតម្លៃ”ដ្បិតព្រះអម្ចាស់មិនទទួលពួកគេទេ!»។