15 សូម្បីតែពួកទេវតាដ៏វិសុទ្ធរបស់ព្រះអង្គក៏ព្រះអង្គទុកចិត្តពុំបានហើយសូម្បីតែផ្ទៃមេឃក៏ពុំបរិសុទ្ធនៅចំពោះព្រះភ័ក្ត្រព្រះអង្គទៅហើយ
16 ចំណង់បើមនុស្សដ៏អាក្រក់ គួរស្អប់ខ្ពើមដែលចូលចិត្តអំពើទុច្ចរិតដូចគេផឹកទឹកនោះព្រះអង្គរឹតតែមិនទុកចិត្តទៅទៀត!
17 ឥឡូវនេះ សូមស្ដាប់ខ្ញុំ ខ្ញុំនឹងពន្យល់លោកខ្ញុំនឹងប្រាប់លោកពីការដែលខ្ញុំបានឃើញ
18 គឺសេចក្ដីដែលអ្នកប្រាជ្ញបានទទួលពីដូនតារបស់ពួកគេហើយយកមកថ្លែងប្រាប់ដោយឥតលាក់លៀម។
19 ព្រះជាម្ចាស់ប្រទានទឹកដីឲ្យដូនតារបស់ពួកគេតែប៉ុណ្ណោះគ្មានអ្នកដទៃទៀតមកឡូកឡំក្នុងទឹកដីនោះឡើយ។
20 មនុស្សអាក្រក់នឹងរងទុក្ខលំបាកជារៀងរាល់ថ្ងៃមនុស្សឃោរឃៅនឹងរងទុក្ខអស់មួយជីវិត។
21 មានសំឡេងដ៏ព្រឺព្រួចលាន់ឮក្នុងត្រចៀករបស់គេមេបំផ្លាញនឹងមកប្រហារគេក្នុងគ្រាដែលគេកំពុងរស់យ៉ាងសុខសាន្ត។