21 កាលណាចំនួនខែដែលគេត្រូវរស់ឈានដល់ទីបញ្ចប់ហើយគេមិនអាចអំពល់ពីអនាគតនៃក្រុមគ្រួសាររបស់ខ្លួនបានទេ។
22 គ្មាននរណាអាចបង្រៀនព្រះជាម្ចាស់ឲ្យចេះដឹងបានឡើយដ្បិតសូម្បីតែអស់អ្នកដែលនៅស្ថានដ៏ខ្ពស់ក៏ស្ថិតនៅក្រោមការគ្រប់គ្រងរបស់ព្រះអង្គដែរ។
23 អ្នកខ្លះស្លាប់ ក្រោយពីបានរស់នៅយ៉ាងស្រណុកហើយស្គាល់តែសេចក្ដីសុខសាន្ត ឥតទុក្ខកង្វល់
24 សាច់ឈាមនៅស្រស់ល្អ កម្លាំងនៅរឹងប៉ឹង។
25 អ្នកខ្លះទៀតស្លាប់ ក្រោយពីបានរងទុក្ខព្រួយហើយពុំធ្លាប់ស្គាល់សុភមង្គលទាល់តែសោះ។
26 ប៉ុន្តែ សពរបស់អ្នកទាំងពីរត្រូវគេយកទៅកប់ហើយមានដង្កូវចោះដូចគ្នា។
27 ខ្ញុំស្គាល់គំនិតរបស់អស់លោកច្បាស់ណាស់ហើយក៏ស្គាល់ការរិះគិតរបស់អស់លោកចំពោះខ្ញុំដែរ។