25 នោះព្រះដ៏មានឫទ្ធានុភាពដ៏ខ្ពង់ខ្ពស់បំផុតនឹងទៅជាដុំមាស និងគំនរប្រាក់របស់លោក។
26 ព្រះដ៏មានឫទ្ធានុភាពដ៏ខ្ពង់ខ្ពស់បំផុតនឹងប្រទានឲ្យលោកមានអំណរសប្បាយហើយលោកងើបមុខសម្លឹងទៅរកព្រះអង្គ។
27 ពេលលោកទូលអង្វរព្រះអង្គព្រះអង្គនឹងឆ្លើយតបមកលោកវិញហើយលោកនឹងថ្វាយតង្វាយតាមពាក្យដែលលោកបន់។
28 ពេលលោកសម្រេចចិត្តធ្វើការអ្វីមួយការនោះនឹងកើតជារូបរាងឡើងផ្លូវដែលលោកដើរ តែងតែមានពន្លឺជានិច្ច។
29 ព្រះជាម្ចាស់ទម្លាក់មនុស្សមានអំនួតតែព្រះអង្គសង្គ្រោះមនុស្សទន់ទាប។
30 សូម្បីតែមនុស្សមានទោសក៏ព្រះអង្គរំដោះដែរដូច្នេះ ព្រះអង្គនឹងរំដោះលោកតាមអំពើដ៏បរិសុទ្ធដែលលោកប្រព្រឹត្ត»។