13 ពួកគេឃាំងផ្លូវខ្ញុំ មិនឲ្យរត់រួចពួកគេប្រាថ្នាធ្វើឲ្យខ្ញុំវិនាសដោយមិនបាច់មាននរណាជួយពួកគេឡើយ។
14 ពួកគេលើកគ្នាសម្រុកមកលើខ្ញុំដូចកងទ័ពទម្លុះកំពែងសម្រុកចូលវាយក្រុងមួយ។
15 ការភ័យតក់ស្លុតក៏កើតមានដល់ខ្ញុំកិត្តិយសដ៏រុងរឿងរបស់ខ្ញុំប៉ើងទៅតាមខ្យល់ភាពចម្រុងចម្រើនរបស់ខ្ញុំរសាត់បាត់ ដូចពពក។
16 ឥឡូវនេះ ជីវិតរបស់ខ្ញុំកំពុងតែរលត់គ្មានអ្វីសម្រាលទុក្ខវេទនារបស់ខ្ញុំបានទេ។
17 នៅពេលយប់ ការឈឺចាប់ស៊ីរូងឆ្អឹងរបស់ខ្ញុំឥតមានពេលល្ហែសោះឡើយ
18 ការឈឺចាប់នេះមានកម្រិតខ្លាំងពេករហូតដល់ធ្វើឲ្យទក់សម្លៀកបំពាក់របស់ខ្ញុំហើយរឹតរួតខ្ញុំ ដូចកអាវរឹតកខ្ញុំ។
19 ព្រះជាម្ចាស់បានបោះខ្ញុំទៅក្នុងភក់ជ្រាំខ្ញុំមិនខុសពីធូលីដី និងផេះទេ។