6 លោកគោរពកោតខ្លាចព្រះជាម្ចាស់ហើយរស់នៅដោយទៀងត្រង់ដូច្នេះ ចូរមានសង្ឃឹមនិងផ្ញើជីវិតលើព្រះអង្គចុះ។
7 សូមលោកគិតមើលចុះថាតើមនុស្សស្លូតត្រង់ដែលវិនាសសូន្យហើយមនុស្សសុចរិតដែលអន្តរាយឬទេ?
8 ខ្ញុំធ្លាប់ឃើញថា អស់អ្នកដែលភ្ជួររាស់សាបព្រោះអំពើអាក្រក់ និងអំពើទុច្ចរិតរមែងទទួលផលពីអំពើដែលខ្លួនប្រព្រឹត្តជានិច្ច
9 គឺពួកគេវិនាសដោយសារព្រះពិរោធរបស់ព្រះជាម្ចាស់ដែលបក់បោកមកលើពួកគេដូចព្យុះសង្ឃរា។
10 ពួកគេស្រែកដូចសិង្ហ ហើយគ្រហឹមដូចខ្លាតែព្រះអម្ចាស់នឹងបំបិទមាត់ហើយបំបាក់ចង្កូមរបស់ពួកគេ។
11 សិង្ហសាហាវនឹងវិនាសទៅដោយអត់អាហារកូនរបស់វានឹងខ្ចាត់ខ្ចាយទៅគ្រប់ទិសទី។
12 ខ្ញុំបានឮសេចក្ដីមួយយ៉ាងស្ងាត់ៗហើយត្រចៀកខ្ញុំស្ដាប់ឮសំឡេងមួយយ៉ាងស្រាលៗ។